喂！喂！喂！

喂！喂！喂！

大家好！

听说都喜欢听我说话，

我就再多说几句。

大家都听清楚来！

我这个村长当得好恺人，

恺得要命膏，

哩几日喉咙都叫噎咯！

目前，

一些洋洋哑哑的嗙筒客，

不要命啊，

疫情这么严重，

出门也不戴个口罩，

开到个车，

一逛子咯劲，

晒到东，晒到西，

还跑到超市里买一大簰油竹爆竹火纸香，

哇是月半要到太公坟上去送灯。

大家都跟我记住，

转过背就月半着，

疫情防控到了火炸油缸咯关键时刻，

元宵节千万莫去上坟、莫去送灯，

莫聚到一起吃吃喝喝，都窋到屋里，

不要到外边行行晃晃！

莫偷偷西西去山上烧到烟鼓哆，

把辣子壳往自己头上擦。

过年哩多日数大家都窋住了，

莫到月半舞点冇头扣咯事出来，

莫发癫去外边xing，

给我们政府帮倒忙，

害了伢崽也害了爷娘！

拜托大家了!

最后请我孙来哇一句，

崽崽快哇：“祝大家元宵节快乐！不要出去戏”